老公留港同事升职加薪，惹移英黄师“葡萄”

阿妹

乜嘢叫“吃不到的葡萄是酸的”，今次就由网名为“香港老师也移民”嘅移英“黄师”亲身示范一下！佢日前在网上发文，话老公以前的公务员旧同事个个都升晒职，六、七万蚊港纸，但佢老公话“呢啲阴质（骘）钱佢冇兴趣赚”喎。不少网民揶揄摆明係“肉酸、寒酸、葡萄”嘅心态啦，“唔通佢老公会话后悔咩？”、“唔care就唔会又提起啦”，“佢赚落啲阴质（骘）钱就快用晒，财晒人安乐！”

 

 

近年不少港人跟风移民英国，即使他们原本是教师、公僕亦只能到从事基层工作，反之留港的朋友、同事却个个捞到升职加薪，捞到风山水起。该名移英“黄师”日前喺社交平台发文分享一段同老公的对话，指“老公话佢嗰班留低供养邪恶嘅公务员旧同事个个都升晒职！六七万蚊港纸一个月真係好好洗，香港交税又少！如果唔移民，我哋个个月去日本都仲得！”于是“黄师”问老公有冇后悔移民，老公就回答“呢啲阴质（骘）钱佢冇兴趣赚！”，令佢觉得自己的老公真係好型喎。

 

 

有网民揶揄“如果无移民个个月去旅行，如果中六合彩我够可以买林保啦，呢个世界边有如果，移民之后生活大不如前咪老实承认，又要充大头又唔认输”、“正正常常做份工履行职责叫阴质（骘），佢低低能能on on 居居走去做西人奴隶兽咪前世唔修今世仲要造孽囉”。