检疫侦缉犬添新力军，助渔护署打击走私

芹菜高高

渔农自然护理署检疫侦缉犬添新力军！牠就是已经完成侦缉犬训练的比格犬Bmo，并正式喺入境口岸返工喇。

 

渔护署在社交平台发文介绍，Bmo是一隻接近两岁嘅狗女，于今年加入侦缉犬队伍，形容牠性格活泼，富探索精神。现时大家除咗会喺口岸有机会见到Bmo外，署方话嚟紧喺公共交通工具上都会见到佢同其他侦缉犬嘅宣传片。

 

 

渔护署表示，署方侦缉犬会喺各入境口岸执勤，负责侦察、打击走私检疫物品。侦缉犬经训练后，能够利用嗅觉辨认受管制嘅物品，即使有关物品收埋喺行李或多层衣物入面，都难佢哋唔到。

 

渔护署提醒市民，进口哺乳类动物（例如猫、狗）或佢哋嘅衍生物（例如猫、狗尸体、身体部分）、鸟类同爬虫类等，都受香港法例管制；任何人进口或经香港转口动物，必须先得到该署签发嘅特别许可证，并须符合证上订明嘅条款，违者可被检控。