移英港人数落同事拒试新食物 遭网民反嘲：穷手足穷工友

爱看沙尘暴

提到英国不少人都会联想到“美食沙漠”，有移英港人日前在社交平台发文，数落身边的当地同事一成不变的习惯，更连跳出“舒适圈”的勇气都无，只肯食佢认知的食物。不过，网民反嘲有钱点会唔识食好西，“穷手足打份牛工同穷鬼工友一齐”、“下下都扮代表扮专家出结论”。

该名移英港人在一个移英港人群组发帖，数落其英国同事，指“英国人对尝试新食的态度真係唔似香港人，香港人最爱试新嘢，唔好食／唔锺意最多无下次”。楼主提到两名同事，“同事A每日午餐食一小盒好似猫罐头嘅即食意粉，入职半年，每日如是；同事B就每日带一包Ben’s rice及一罐吞拿鱼，捞埋叮热就食，每日如是”。

楼主还暗嘲同事大乡里，“上星期食晏叫同事A一齐去买老麦，我用经理畀嘅Coupon买鱼柳包，将另一张Coupon畀同事A，佢同样地买鱼柳包。食完之后，同事A话第一次食鱼柳包（佢差不多37岁），多谢我介绍畀佢食。”

另外，即使楼主落力推介或送上食物都无人吼，“我经理又係好怕试新嘢，介绍佢食一间bakery嘅Apple Turnover，佢say no；带日式饭团返公司畀佢试，佢say no，只肯食佢认知嘅食物。”最后，楼主得出的结论是“所以英国係美食沙漠唔係无原因，因为大部人都唔愿意尝试新食物。”

不过，网民反嘲有钱点会唔识食好西，“穷手足打份牛工同穷鬼工友一齐，就了解到整个民族可以做专家了！典型香港代表队！”、“佢做边行，咩职位？如果我搵得少，我都会日日食罐头，唔会充大头”、“典型香港‘穷乡里’，下下都扮代表扮专家出结论”。