羡慕友人移民生活，连登仔恨移民恨到失眠

傲娇女子

无钱始终都唔使谂移民喇！有“连登仔”近日发文话好羡慕身边的人可以移民，但自己就喺香港日日打份牛工，仲要“晚晚成个脑都係想移民”搞到瞓唔着。不少网民留言点醒佢，“见人走自己又想走，妄想走咗可以改变现况的，通常好快Ｘ街回流”、“人地唔开心会同你讲咩”。

 

 

该名网民日前在“连登”讨论区，以“[深夜树窿] 有无人真係好Ｘ想移民”为题发文，话见住身边的朋友和同事逐个逐个走，英加澳美都有，直言“我都好Ｘ想走”，又指见他们生活好唔错，“我就日日打份牛工日日OT得返半条人命”明明已经好攰，但“晚晚成个脑都係想移民想都瞓唔着”喎。

 

不少网民留言提醒楼主冇钱唔好移民，移民唔係谂咁简单，“其实去到外国都係打份牛工，除非你有2、3百万渣过嚟full paid层楼”、“见人走自己又想走，妄想走咗可以改变现况的，通常好快Ｘ街回流”、“无错，无钱嘅千祈唔好过嚟，生活艰苦好多，仲要去日本好远又贵”。

 

有网民亦话“你睇我好，我睇你好”、“人地唔开心会同你讲咩”；有人分享个案指，“睇住自己嗰区有几个智障，冇钱又话要住大屋、两公婆一人一部车，又话唔係本行嘅工唔肯做。点知一年后要霸王卸甲，仲好似要搬去啲平区。佢哋以为移民係旅行”。