阮民安贵卖大光麵掠水，网民闹爆“食相难睇”

孤独不好嘛

本地即食麵“顶好大光麵”近排成为热话，“奀星”阮民安亦即刻食住条水，借卖高价嚟搵快钱。其实阮民安抢食人血馒头都唔係新鲜事，不过今次食水超深，一包即食麵标价30元，卖到鬼死咁贵。不少连登网民都闹爆“又想呃钱”、“30蚊一包係咪忽Ｘ咗”、“呢条友都几呕心，食相难睇到”。

阮民安日前在社交平台发帖话，又有好嘢益“手足”喎。他称有一间食店老闆入咗一批大光麵，知道大家呢几日左搵右搵都搵唔到，叫人“老规矩”想入货，就whatsapp啦。佢又话“小朋友”又有开工，帮手落单，会好好咁将大光面齐齐整整咁送到府上喎。今次仲联同一间黄集运公司寄埋去海外。

有网民就于连登讨论区以“Tommy阮民安老师当手足係水鱼？”为题发文，并上载一张截图，显示一包大光麵售价30元、四包售价100元、一箱（12包）售价280元。不少人留言嘲讽“Tommy 哥係劲，咁都把握到商机”、“好识昆钱”、“食水深X到”、““啲钱最尾都係去马会”、“肯买果啲同入邪教果啲人係无分别”。

不过，仍有“手足”照单全收，留言话“有小朋友送货，所以贵D”、“赚嚟出粮畀小朋友”、“买得呢包麵係想撑班小朋友”，心甘命抵做“水鱼”。