被迫吸二手大麻感恐慌，移英港女惊报警得罪邻居

篮球九斯

英国毒品问题愈发严重，而大麻是英国最多人吸食的非法毒品。近日有移英港女大呻住正係“毒楼”，指住自己楼下某个单位以往已不停传出烟味和大麻味，最近更传出“可乐（可卡因）味” ，令原本已精神不振的她感到十分恐慌，惊报警会得罪对方喎。

 

 

须知道食可卡因或大麻，分别有一阵浓烈嘅烧胶同烧草嘅味，好易闻得出。该名移英港女日前在fb群组“英国香港人生活交流区”发文求救，指自己住在爱丁堡的apartment最高楼层，而幢楼嘅抽气系统係全幢通嘅，平时都会闻到下一层某个单位不停食烟和大麻，但她都只会喷下空气清新剂就算。之不过，她最近闻到“可乐（可卡因）味”，令精神状况唔算太好的她感到十分恐慌，亦担心“报警惊畀人知係我报　到时候我就得罪咗佢了”，所以遂发文问网民有什麽法方可以委婉处理。

有网民就建议楼主“试吓匿名写张字条入落信箱同佢讲声”、“或都同管理处讲”，不过，楼主无奈指出幢楼无管理处，并讲述上次发生同类件，亦只是摆咗个定时喷嘅空气清新机就算，直指根本无解决过，“上次有人投诉某单位食大麻食到嗰层楼梯超大味之后，得出嘅解决方法係摆咗个定时喷嘅空气清新机就算（摆完都係超大味，冇解决到）”。