移英港人称健康原因回流，搵同路人“执手尾”遭公审

湾仔码头

正所谓“身体最诚实”，愈来愈多移英港人陆续回流香港，最近就有一名移英港人发文话因健康原因回流，虽然回流是个人选择，但楼主却要同路人“执手尾”，帮佢顶租喎。不少网民都佢揶揄“冇骨气”、“咪扮嘢啦！捱唔住咪出声囉，诈病搵鬼信”、“又係嗰啲英国冇钱医病返嚟香港搲嘅精英”。

该名移英港人在社交平台的移民群组发文，自称“因健康原因本人回流香港，现转租所住单位，租约签咗半年至9月10号，转租日期好是4月中。”他列出地址，指是“一座Building share几个厕所同厨房，单位包傢俬，搭巴士25分钟到市中心”。

帖文遭到同路人公审，直指“移民英国，就係英国人啦，应该在英国就医，返中国香港用服务会唔会冇骨气咗啲呀”、“又话英国医疗好，做乜返香港医病呀！所以都话身体最诚实，劝喻香港政府，快啲取消BNO申请者身份证啦”。

不少网民认为单位条件唔吸引，“share厕所同厨房?搵鬼租”、“要share厕所同厨房，咁佢都几穷下喎”、“住到要share厕所，香港劏房都独立厠所啦”。

有网民就分析香港和英国的医疗分别，认为“可能咪又係因为钱囉！如果係一般长期病患，用转普通嘅药，在香港公营医疗系统之下，港币$50蚊覆诊一次就已经有三个月药，在外国医药分家，点都唔係港币$50蚊！大镬嘢，15分钟内就有救护车，唔使半个钟就到医院急症室......以往身在福中不知福，今时今日回流都唔紧要，最紧要就係收吓把口，夹起条尾做人做事，唔好又要攞中国香港政府着数，又要唱衰中国香港政府就得喇”。