嫌亲友食西餐举止失礼 移英港人：饮茶中菜最稳阵

空号发布

正所谓“面就人地畀嘅，架就自己丢”，有移英港人近日在网上发文话，不时要应酬过咗嚟英国的亲戚朋友，但觉得带佢哋食西餐会失礼，所以每次都拣食亚洲菜或中餐。不少网民留言支持：“同意，中菜最好，全部饮茶，食乜嘢都share，又啱佢哋胃口”。

该名移英港人在社交平台发文话，近年多咗好多亲戚朋友过嚟英国，无可避免要间唔中应酬他们，但楼主觉得“带佢哋食西餐会失礼”，所以每次亲友要求介绍西餐美食时，楼主都会例牌扮晒嘢话“啲鬼佬嘢有咩好食，叫小菜白饭仲好啦”。

查实楼主本身好锺意食西餐，但因为亲友食西餐时的行径十分丢架，“嗰啲开口埋口tap water，唔嗌嘢饮，全部course 都要几个人一齐share，同埋举手叫侍应behaviour”。所楼主话“真係唔怪得我”，要避免尴尬，真係要饮茶同食小菜最稳阵。

不少网民留言留言支持楼主“同意，中菜最好，全部饮茶，食乜嘢都share，又啱佢哋胃口。唔使做第一个嗌完嘢饮被成枱人望住然后个个被逼嗌tap water/coke...(有啲又要强调自己係揸车嚟所以唔饮酒之类嘅藉口)”。

有网民就直指，“事实係，香港人唔食中餐会死”、“中菜最好，紫色粉红色行山装无人理你，又可以狂饮tap water，最紧要係大大声讲广东话”。