时薪$280请科大生为儿子补习 港妈呻中伏“差到咁”

坚蛋挞

香港家长时常会找私人补习，催谷一下子女的成绩。近日有港妈于讨论区大呻，“係唔係大学生补习都係咁差？”，指早前于网上找到一名就读科大工程系的男生，为儿子补习中文，每小时收费$280。点知，对方不但首日上课迟到、没有备课，上堂时也不专心经常看手机。港妈叹道：“谂住三大，收咁贵应该有保障，点知差到咁”，话“宁愿比多少少钱搵全职补习老师好过”。

该名港妈在亲子王国讨论区以“大学生上门补习畀钱买难受”为题发文，表示儿子最近大考，在网上找到一名科大工程系男学生补习中文，每小时收费$280。谂住三大，收咁贵应该有保障，点知科大生首堂已经迟到成个钟，“问佢到边又无覆，最后上到嚟话塞车”。港妈都无为此计较，但科大生“嚟到咩都冇准备，对住我个仔本书读”，就令她非常不满。港妈续指，“落堂既时候我问佢有冇练习比个仔做下 因为就黎考试”，对方话下堂有。结果下堂也是没有任何准备，儿子更大爆科大生上课唔专心，经常做自己事和看手机。

正所谓“无比较无伤害”，港妈表示，一直有请全职补习老师为儿子补数学，对方每次都会先准备练习试卷，儿子的成绩都有好大进步，“本身30几而家70几80，阿仔都话佢好有趣，讲嘢都好容易明”。她又表示数学老师上课前一周会要求看学校的课题和过去试卷，认为“可能畀佢拉高咗个标准”。

帖文一出，不少家长都表示“千万唔好搵大学生补习”，指“小朋友考试，佢都会忙做Project 或撞正考试”、“成日迟到或突然补唔到”、“冇料扮有料，教错嘢，仲要每堂结算”、“係呀搵大学生补好似买电器一样撞手神，遇上啲热血嘅就话好，如果唔係嘅都几烦。”

不过，也有家长表示补习都好讲彩数，“我搵过一个读紧科大嘅姐姐，教得好有心机，阿仔亦有进步”、“有补习哥哥都係好有心机补，有早冇迟，有时仲要过晒钟唔收钱补”；有人则认为“依家唔係成绩嘅问题，係责任心嘅问题”。